Spissa topp-idrett i Førde
Kombiner skulegang og satsing på volleyball!
Førde Volleyballklubb har i samarbeid med Førde vidaregåande skule i eit tilbod om spissa toppidrett i volleyball.
I utgangspunktet vil ikkje fylket dekke ein skuleplass for elevar utenfor Vestland. Unntak kan førekomme dersom det er plass på skulen – at det ikkje er ventelister med elevar fra Vestland.
Førde Volleyballklubb står for treningane og det faglege opplegget, medan Førde vidaregåande skule administrerer tilbodet.
Det er totalt 15- 18 plassar fordelt på vg1, vg2 og vg3.
I 2025 vil vi gjennomføre samling fredag 7. februar (laurdag 8. mars spelar elite damer og elite herrer kamp i Øyrane arena)
Les meir og meld deg på samling lenger nede på sida!
Godt miljø
Kjekke opplevingar
Styrketrening
Dette er Førdesatsinga:
- To balløkter og to styrkeøkter i veka i samband med skulen. Styrkeøvingane vil vere spesifikke øvingar for volleyball. Desse øktene vil vere i tilknyting til skulekvardagen, før skulen, i skuletid eller rett etter skulen.
- Treningskort på Puls vil bli dekt av satsinga, dersom du trenar styrke minimum to gonger for veka og kan dokumentere dette gjennom oppmøteregistrering. Satsinga dekker ikkje treningskort hjå andre treningsstudio.
- Det er obligatorisk oppmøte på alle øktene, og det skal vere ekstraordinært dersom ein ikkje kan stille på økta. Dette krev god struktur på skulekvardagen.
- Førdesatsinga kan ikkje kombinerast med jobb ved sidan av skulen.
- Alle må søke på Førdesatsinga kvart år innan 1. mars, sjølv om dei allereie går på Førdesatsinga. Det er også mogleg å søke seg inn på Førdesatsinga andre året sjølv om ein ikkje var med første året.
- På kveldstid vil du i samarbeid med Førde Volleyballklubb få moglegheit til å trene med eit av laga til klubben.
Treningar med Førde VBK
Samarbeid med Olympiatoppen
Trening i samband med skulen
Region Sogn og Fjordane vil i samarbeid med Førde Volleyballklubb halde ei samling for dei som kan vere interessert i å søke på Førdesatsinga. På samlinga vil det bli informasjon om satsinga og ei praktisk økt. Denne er open for alle som vurderer å søke på Førdesastinga, eller for dei som allereie går på Førde vgs og skal opp i andre eller tredje vidaregåande klasse.
Påmeldingsknapp
Vidaregåande opplæring
Elevar som ynskjer dette tilbodet, må søkje seg inn kvart år i vigo.no innan 1.mars.
Spissa toppidrett
Meir informasjon om spissa toppidrett og inntaksprosedyrer finn du her.