Velkommen til Førde og NM U19 i 2025!

Norgesmeisterskapet for U19 går av stabelen i Førde 14. – 16. mars 2025. Førde Volleyballklubb er arrangørklubb, og kampane skal spelast i Øyrane Arena og Førdehuset. 

Vi gler oss til å ta imot alle; både spelarar, trenarar og foreldre.  

På denne sida oppdaterer vi fortløpande med informasjon om meisterskapet.

Opningsseremonien må vere relativt tidleg fredag morgon. Vi ser for oss at første kamp tek til kring klokka 10:00.  

Overnatting på hotell

Scandic Sunnfjord Hotel & Spa

Vi har booka Sunnfjord Scandic til denne helga. Vi har reservert hotellet fram til 5. januar, etter det blir rom som ikkje er booka fristilte. Vi veit at kvalifiseringa ikkje er heilt ferdig til den tid, så vi får nok ein utvida tidsfrist for dei oppgjera som ikkje er klare til 5. januar.  

Kvart lag bookar rom til seg sjølv ved å følgje denne lenka.

I lenka kan de og bestille mat. Scandic har laga ein meny som de kan bestille frå når det gjeld mat fredag og laurdag kveld. Hotellet gjer merksam på at det vil vere komplisert for hotellet å plutseleg få bestilling på mykje mat om ingen gjev beskjed på førehand.

Thon Partner Hotel Førde

Vi har også fått halde av nokre rom på Thon hotell. Dersom de bookar der, så meld frå at de er i Førde grunna NM-19. Då vil de få dei prisane som vi har avtalt.

Andre overnattingstilbod

Det finst fleire alternativ for overnatting i Førde og nærområdet. Her er nokre eksempel:

Førde Gjestehus og camping, Førde Pensjonat, Sande Kro og Motell og Jøstraholmen Camping.

Reise til Førde

Slik kjem du deg hit:

• Fly til Førde lufthamn Bringeland. Flybussen stoppar 50 meter frå Scandic. 
• Fly til Florø. Det går ikkje flybuss derifrå til Førde. Det vil ta éin time med rutebuss frå Florø til Førde.
• Buss frå Bergen tek ca 3 timar. 
• NM-U19 skal spelast i to ulike hallar; Førdehuset og Øyrane Arena. Lunsjpakkane vil bli delte ut på Øyrane Arena. Det blir ikkje sett opp shuttlebuss mellom hallane. Det er i underkant av 500 meter å gå mellom Førdehuset og Øyrane Arena.  

1: Øyrane Arena 2: Førdehuset 3: Scandic Sunnfjord hotel 4: Thon partner hotel 5: Førde pensjonat