Vellukka Førde volleyballcup 2015
Det blei arrangert ei kombinert trenings/turnerings-helg i Førdehuset 10. og 11. oktober med Førde volleyballklubb som arrangør.
I JU15 klassen stilte Florø med heile 3 nystarta jentelag. Frå Kvammen kom det 1 lag og frå Førde 1 lag i denne klassen. Jentene trente og spelte volleyball i lag med eldre og erfarne jenter frå FVBK heile laurdagen. På søndag blei det gjennomført ei lita turnering kor alle lag møtte kvarandre i kryss-spel.
I GU15 klassen kom Volda tilreisande med 9 gutar, medan Førde stilte med 12 gutar fordelt på 2 lag. Gutane trente godt heile laurdagen i lag med elite-spelarar frå FVBK. På søndagen spelte gutane ei lita turnering, med Volda som vinnar til slutt.
Vi gratulerer!
Alle deltakarane fekk medalje, før resten av helga gikk med til å heie fram seniorane frå tribuna. Alt i alt ein positiv helg for unger og vaksne som likar volleyball-aktivitet.
