Loftesnes og Tvinde tilbake i Førdedrakta!

På ein pressekonferanse tidlegare i dag vart Mathias Loftesnes og Lars Fredrik Tvinde presenterte som Førdespelarar. Spelarane signerte kontraktane i lokala til generalsponsor Sparebanken Sogn of Fjordane i Førde. Begge er fast inventar på landslaget og returnerer frå profflivet i utlandet, der Loftesnes har tenestegjort i tsjekkiske CEZ Karlovarsko det siste året, mens Tvinde har hatt tilhald i Pafiakos Syllogos Athlopedion (!) på solfylte Kypros.

Både Tvinde og Loftesnes hadde moglegheit til å halde fram i utlandet, men det sportslege opplegget, hårete mål og studiar gjorde at dei begge no gjer comeback i Førdedrakta. – I løpet av tre til fire år ønskjer vi å skape det beste laget ein har sett i Norge. Det har vi moglegheita til no, sa sportsleg leiar Martin Berntsen i ein kommentar til Firda på pressekonferansen.