Historia om Førde Volleyballklubb

Førde Volleyballklubb er ein av dei beste volleyballklubbane i Noreg. Dame- og herrelaget har fleire gongar vunne eliteserien og NM, og begge laga har i nyare tid spelt europacup.

 

Alt i 1969 vart det spelt volleyball i Førde. Då starta Herman Johansen opp med jente- og gutelag ved Førde Gymnas, og dei stilte med gymnaslag i seriesystemet. Seinare vart det aktuelt å skipe eigen volleyballklubb, og Førde Volleyballklubb såg dagens lys i 1974. Utover på 1970-talet var Inge Andersen ein sentral person i drifta av klubben. På denne tida dukka og kjende namn som Merita Hjelmeland og Vølstad-søskena opp. Fleire av dei var faste spelarar på landslaga.

Herrelaget tok første gong bronse i noregscupen i 1981. Magne Hornnes var trenar for elitelaget frå midten av 1980-talet, og han fekk i 1993 starta volleyballskulen – eit samarbeidsprosjekt mellom dei vidaregåande skulane i Førde. I 1994 deltok eit lag frå Førde i skule-VM i Paris. Dei enda på 11. plass.

Sidan rykte Førde opp og ned fleire gongar, og det skikkelege gjennombrotet i norsk toppvolleyball kom først i 2007. Med Arild Undheim som trenar vann herrelaget for første gong cupfinalen og vart dermed noregsmeistrar. Etter dette har klubben vore blant dei aller fremste på herresida, og den første seriemeisterskapen sikra laget seg i 2008. Den same hausten debuterte Førde på lågaste nivå i europacupen. Den første kampen i Challenge cup enda med 0–3-tap heime mot MOK Zagreb frå Kroatia.

Herrelaget vart nordiske meistrar i 2011 og har seinare delteke fleire gongar i europacupen. Hausten 2018 deltok dei for første gong i CEV-cupen, på nivået under Champions League, der dei gjekk vidare til 16-delsfinalen etter to sterke kampar mot det ukrainske profflaget Novator Khmelnytskyi. I 16-delsfinalen vart TIF Viking frå Bergen for sterke, og Førde var ute av europacupen.

Damelaget gjekk for første gong til topps i NM i 2018. Seinare samme året vann dei også serien for første gong, og dei spelte i den europeiske CEV-cupen vinteren 2018–2019. Der tapte Førde mot franske Saint Raphaël i første runde.

Kjelder: Allkunne.no og Store norske leksikon

Styret 2020/2021

5

Jan Egil Tvinde

  • Leiar
  • Telefon: 99 75 70 55
5

Jan Ove Hafstad

  • Nestleiar
  • Telefon: 91 57 79 76
5

Sissel Sande

  • Styremedlem
  • Telefon: 97 16 62 37
5

Anne Råheim Tveit

  • Styremedlem
  • Telefon: 90 79 33 50
5

Elisabeth Bjørvik

  • Styremedlem
  • Telefon: 91 68 89 94
5

Rune Fossum Lillesvangstu

  • Styremedlem
  • Telefon: 91 87 41 11
5

Sergiu Anton

  • Styremedlem
  • Telefon: 96 86 53 74
5

Treningstilbod i særklasse

Vi skal skape det desidert beste treningstilbodet i landet

5

Profesjonalitet

Vi skal vere det mest profesjonelle amatørlaget i Norden

5

Springbrett

Vi skal vere eit springbrett for målretta utøvarar

5

Trendsettarar

Vi skal vere trendsettarar i ei ny volleyballepoke

5

Gode grunnverdiar

Vi skal vere eit lag med gode grunnverdiar på og utanfor bana

Postadresse

Førde volleyballklubb
Postboks 485
6803 FØRDE

Kamparena

Førdehuset (vis i kart)
Angedalsvegen 5
6800 Førde

Førdehuset